Алматыда ту көтеру рәсіміне мыңнан астам адам қатысты

Алматыда ту көтеру рәсіміне мыңнан астам адам қатысты, деп хабарлады әкімнің баспасөз қызметі.

4 маусымда Мемлекеттік рәміздер күніне орай Алматыда «Батыр» Президенттік полкінің туын көтеру және Гимнді жаппай орындау салтанатты рәсімі өтті. Патриоттық шара «Медеу»  шатқалында болды.

Шараға Алматы қаласының әкімі Ерболат Досаев, қоғам және жастар ұйымдарының өкілдері қатысты. Барлығы мыңнан астам адам жиналды.

«Әнұранның мерекелік орындалуы қаланың барлық аудандарында бір уақытта сағат 11:00-де өтті. Алматылықтар саябақтарда, алаңдарда, мектептерде және басқа да қоғамдық орындарда әнұран шырқады» деп толықтырды әкімдік.

Сонымен қатар Абай алаңында үлкен концерт күтілуде. Оның шарықтау шегі Жамбыл атындағы Құрманғазы және филармония хорының жастар құрамы мен консерватория студенттерінің әнұран шырқауы болмақ.