Алматыда «Tour of World Class Almaty» веложарысы өтіп жатыр

Алматыда өтіп жатқан «Tour of World Class Almaty» веложарысына байланысты қала көшелері жабылып, қала ішілік  маршруттар қозғалыстарын өзгертті.

Қаланың кейбір көшелерінде көлік қозғалысы мүлдем тоқтады.

6 тамызда Алматыда «Tour of World Class Almaty» веложарысы өтуде.

Жарыс кестесі:

6.00 - 48,5 шақырымдық жол жарысы,

6.05 – 33,5 шақырымдық жол жарысы,

6.11 – 33,5 шақырымдық тау веложарысы,

9.10 – 14 шақырымдық балалар арасындағы жарыс.

48,5 шақырымдық қашықтықта жеңімпаз атанғандар бірінші орынға – 100 мың теңге, екінші орынға – 80 мың, үшінші орынға – 60 мың теңге алады.

«48,5 шақырым, 33,5 шақырым және 14 шақырым қашықтыққа әр түрлі жас санаттары бойынша жеңімпаздар да медальдармен және бағалы сыйлықтармен марапатталады. Барлық қатысушылар өздерінің жетістіктері мен табандылығын білдіретін финиш медальдарымен марапатталады», - дейді ұйымдастырушылар.

Жарыс жүріп жатқанда жолдар біртіндеп ашылады. Сағат 13:00-де көлік қозғалысы толығымен қалпына келтірілетініне уәде берілді.