Алматыда төрт қашықтық бойынша марафон өтіп жатыр

Оңтүстік астанада өтіп жатқан марафонға орай қала көшелері жартылай жабылды.

Алматыда дәстүрлі халықаралық «Алматы марафоны» басталды, қатысушылар төрт қашықтықтың бірін таңдай алды.

Алматы марафонының қашықтықтары:

·         
42,2 шақырым,

·         21,1 шақырым, 

·         10 шақырымға жүгіру, 

·         10 шақырым скандинавиялық жаяу жүру.

42,2 және 21,1 шақырымдық қашықтықтарда алдын ала іріктеуден өткен озық қатысушылар үшін «Элиталық» санаттар қарастырылған.

Қаладағы марафон кезінде марафон өтетін аудандардағы жолдардағы көлік қозғалысы жартылай жабылды. Спортшылар жарысты аяқтаған кезде жолдар ашылады.

Марафонның басталуы мен аяқталуы Республика алаңында болғандықтан, Сәтбаев көшесінің Желтоқсан көшесінен Назарбаев даңғылына дейінгі екі жолағы 30 қыркүйек күні сағат 6.00-ден 1 қазан күнгі  сағат 18.00-ге дейін жабық болады.