Алматыда Тоқаевтың тапсырмасы бойынша арнайы сейсмологиялық зерттеу жүргізіледі

12 сәуірде Ғылым және технологиялар жөніндегі Ұлттық кеңес отырысында Қасым-Жомарт Тоқаев маңызды тапсырмаларын жариялады. Оның айтуынша, Алматыда арнайы сейсмологиялық зерттеу жүргізіледі, деп хабарлайды Orda.kz

Президент үш жылдық ғылыми-зерттеу жұмыстарына әкімдік тарапынан қаржы бөлінетінін нақтылады.

«Сондай-ақ біздің алдымызда энергетикалық іркілістерді, эпидемияларды және құрғақшылықты болжау және алдын алу міндеті тұр. Тиісті министрліктер мен әкімдіктер төтенше жағдайлардың ықтимал қауіптерін ескере отырып, гидрология, климатология, география, инженерия және т.б. салаларды дамыту бағдарламаларын қарастыруы керек»,- деді Қасым-Жомарт Тоқаев. 

Мемлекет басшысы мемлекеттік органдар барлық жерде жоғары сапалы ғылыми қолдауға сүйену керек екенін тағы да қадап айтты.

«Бұл өте маңызды міндет, сондықтан шешімдер мұқият әзірленіп, негізделуі керек, сондықтан еліміздің ғалымдары мен ғылыми орталықтарында жағдайды талдау және болжау үшін барлық қажетті құралдар болуы керек».

Алматы тұрғындары соңғы жер сілкінісінің бірін 2024 жылдың 10 сәуір күні кешке сезді.