18 қыркүйек күні Алматыда Қазақстанда тіркелмеген Демократиялық партиясы бастамасымен митинг ұйымдастырылды. Бұл шараның бүгінгі қойып отырған негізгі талаптары — қазақстандық азаматтардың цифрлық құжаттарын СБЕРге өткізбеу, тілді қорғау, саяси тұтқындарды бостандыққа шығару, жердің шетелдіктіктер сатылмауы болды.

Оқиға орнынан Orda.kz журналистері тікелей ақпарат таратып жатыр.

Митинг басталмас бұрын, полиция Демократиялық партия жетекшісі Жанболат Мамайды құрықтамақ болған. Бірақ партия қолдаушылары Мамайды қоршауға алып, полицияға алып кетуіне кедергі жасады.

Абай-Достық көшелерінің қиылысында Демпартия жақтаушылары Арон Атабеккке бостандық беру, қазақстандық азаматтардың цифрлық құжаттарын СБЕРге өткізбеу, тілді қорғау талаптарын айтып, митингке шықты. Шеру Абай театрының алдына дейін жалғасты. Іргелес аумақта полиция қызметкерлері тұр. Болжам бойынша, оқиға орнында желіні бұғаттайтын сөндіргіштері бар арнайы көліктер бар. Бұл БАҚ қызметіне үлкен кедергі жасады.

Митингке негізінен Жанболат Мамайдың жақтастары мен қоғам белсенділері жиналды. Белсенді Абзал Достияровпен қатар бірнеше белсенді арнайы жасақ арқылы ұсталды. Алдымен арнайы күштердің қызметкерлері жиналғандарды Абай ескерткішіне жібермей тізбекте тұрды.

Артынша митинг қатысушылары Абай-Достық көшелерінің қиылысынан кетіп, шеруді Шевченко көшесімен Тәуелсіздік ескерткішіне дейін жалғастырып, «Назарбаев кет!» деп ұрандатты.

Алматыдағы митинг: «Назарбаев, кет!» деп ұрандағандар полиция департаментіне келді

Теуелсіздік алаңында біраз тұрған Демпартия жақтастары полиция департаментінің алдына келіп, партия белсенділері Абзал Достияров, Дәурен Достияров, Ырысбек Тоқтасын және Аружан Дүйсебаеваны босатуды талап етті.

Алматыдағы митинг: «Назарбаев, кет!» деп ұрандағандар полиция департаментіне келді

Қазіргі уақытта митинг дәл полиция департаментінің алдында жалғасып жатыр.

Жиналған топқа Алматы қаласы полиция департаменті басшысының орынбасары Рустам Әбдірахманов шықты. Оның айтуынша, Ырысбек Тоқтасын және Аружан Дүйсебаеваны босатуға дайын. Ал Абзал Достияров пен Дәурен Достияров үшін адвокаттары апелляцияға сұраныс жіберулері керек.

Мамай жақтастары айтылған шешімге мүлдем келіспей, ағайынды Достияровтарды босатуын талап етуде.

Мақала авторлары:

Бек Байтас

Ильдар Адильченов

Жандос Мәдениет

Бөлісіңіз: