Алматыда такси жүргізушісі 18 жастағы қызды зорлады

Алматыда 19 қыркүйек күні 2007 жылы туған қызды такси жүргізушісі зорлағаны хабарланды. Күдікті бұған дейін қызға қырындап жүргені белгілі болған, деп хабарлайды Orda.kz.

Бұл туралы «НеМолчи» қоры Instagram парақшасында жазды. Қор тағы да полиция қызметкерлерінің әрекетсіздігіне шағымданды.

Жоғалып кеткеннен кейін зорланып табылған қызды полиция 5 сағат бойы тергеген. Жәбірленушінің ісін полицейлер бір-біріне сілтеп келген, ал олар тек прокурор қоңырау шалғаннан кейін ғана тергеуге кіріскен. Алайда сараптамаға жіберуден үзілді-кесілді бас тартқан.

Сараптаманы тек бүгін ғана өткізуге мүмкіндік берілген. «НеМолчиKZ» қорының жазуынша, түнде келген мемлекеттік адвокат қызды қорғаудан бас тартып, сараптаманы күтпей кетіп қалған.

«Бұл іске Бас прокуратураның араласуын талап етеміз. Шұғыл сараптама жүргізіліп, күдіктіні қамауға алу қажет. Ол жігіт такси жүргізушісі болып істейді. Демек, қазір оның көлігіне отырған Алматыдағы әрбір қызға қауіп төніп тұр»,  деп мәлімдеді «НеМолчиKZ» қоры.

Қор өкілдері сондай-ақ Алматы қаласы ПД-нің ресми жауабын күтіп отырғандарын айтты.

Айта кетейік, Алматы қаласының бұрынғы әкімі Ерболат Досаев жаңа қызметке тағайындалды.