Алматыда тағы бір автобус бағыты пайда болды

Алматыда тағы бір автобус бағыты іске қосылды.

21 қарашада қала маңында № 232 маршрут іске қосылды. Маршрут Тұздыбастау ауылы (Сұлтан кешені) мен Алматы-2 теміржол вокзалы арасында жүреді. Бұл желіде 20 минуттық аралықпен 7 автобус қызмет көрсетеді.

Естеріңізге сала кетейік, 20 қарашада Алматыда Еламан ауылынан «Алтай-1» шағын ауданына (ВАЗ) дейін жүретін No234 жаңа бағыт ашылған болатын.

Алматы агломерациясын дамыту аясында 2023 жылы 25-ке жуық елді мекенді қамтитын қала маңындағы 10 жаңа бағыт құрылады. Бұған дейін 7 бағыт іске қосылса, қалған 2 бағыт әзірленуде.