Алматыда тәртіпсіздік кезінде ҚазҰУ ректоры Жансейіт Түймебаевтың ұлы қайтыс болды

Әл-Фараби атындағы ҚазҰУ ректоры Жансейіт Түймебаевтың ұлы Алматыдағы тәртіпсіздіктер кезінде қаза тапты.

Университет ақпаратты растады.

«Алматыда 6 қаңтар күні кешке сағат 18:35 шамасында коменданттық сағат басталар алдында Елнар көлігімен үйіне қайтып келе жатқан. Ол Назарбаев-Сәтбаев көшесімен жоғары көтеріліп келе жатып, көше қиылысына тоқтаған, сол уақытта белгісіз біреулер оның көлігіне кенеттен оқ жаудырған. Ол алған жарақатынан сол жерде қайтыс болды» деді әл-Фараби атындағы ҚазҰУ баспасөз қызметі .

Қазіргі уақытта құзырлы органдар қажетті тергеу шараларын жүргізіп жатыр.