Алматыда сыртқы жарықтандыруды жаңғыртуға жұмсалған ақша ұрлығы тергелуде

Алматыда сыртқы жарықтандыруды жаңғырту кезінде қаражат ұрлау фактілері бойынша «ABM-Building 2007» ЖШС, «Электроремонт» ЖШС және «ABM-Project» ЖШС-не қатысты тергеу жүріп жатыр, деп хабарлайды Orda.kz тілшісі.

«Алматы қаласы бойынша Экономикалық тергеу департаменті «ABM-Building 2007» ЖШС, «Электроремонт» ЖШС және «АБМ-Проект» ЖШС-не қатысты Алматы қаласының сыртқы жарықтандыру жүйесін жаңғырту кезінде қаражат ұрлау фактісі бойынша сотқа дейінгі тергеу жүргізіп жатыр. Қазақстан Республикасы Қылмыстық-процестік кодексінің 189-бабы 4-бөлігінің 2-тармағында көзделген қылмыстық құқық бұзушылық Қазақстан Республикасы Қылмыстық-процестік кодексінің 201-бабына сәйкес, тергеу мүддесіне қатысты өзге де мәліметтер таратуға жатпайды» деді сауалымызға Алматы қаласы бойынша экономикалық тергеу департаменті. 

Орда.kz редакциясына тұрғындардан, сондай-ақ жағдайға алаңдаған «АБМ-билдинг 2007» ЖШС қызметкерлерінен өтініштер түсе бастады. Біреулер электр қуатының жиі сөніп қалатынына шағымданса, қалғандары жақында ғана жұмыс істеп тұрған жарықтандыру шамдарының сөніп қалғанын айтады, кейбіреуі жұмыссыз қаламыз деп алаңдайды.

«Бүгіннің өзінде «Алматы қаласының сыртқы жарықтандыруын жаңғырту» жобасы бойынша жеке серіктестік компаниялар тобының жұмысына айтарлықтай қауіп төндіретін күрделі мәселе туып отыр. Бұл қарқынмен жағдай келешекте  күрделі әлеуметтік шиеленіске және бір жарым мың қызметкердің жұмыстан кетуіне дейін баруы мүмкін», - деді ABM-Building 2007 бас директорыТимур Садыров. 

Бұған дейін Алматы қаласының мамандандырылған ауданаралық экономикалық соты  «Алматы Қала Жарық» компаниясы мен жеке компаниялар арасындағы дауда әкімдік жағына шыққан болатын. Әңгіме сыртқы жарықтандыруды жаңғырту жобасы бойынша мемлекеттік-жекеменшік әріптестік келісімін бұзу туралы болып отыр, оған «ABM-Building 2007» ЖШС, сондай-ақ «Elektroremont» және «ABM-Project» консорциумы жауапты.