Алматыда субұрқақтар іске қосылады

60 субұрқақ іске қосылады. Қалада барлығы 66 субұрқақ бар, оның 6-ы қайта жөндеуден өтуде.

Бұл туралы оңтүстік астана әкімдігі хабарлайды.

Оңтүстік астана тұрғындары мен қонақтары 1 мамырда субұрқақтар анимациясын  тамашалай алады.

«Алматы – ортақ үйіміз» акциясы аясында субұрқақтарды тазалау, қалпына келтіру және бояу, сондай-ақ жабдықтар мен инженерлік желілерді тексеру жұмыстары жүргізілді. Субұрқақтардың тостағандарын, түбін, қабырғаларын тазалау және гранитті плиталарын қалпына келтіру жұмыстары аяқталды. Субұрқақтардың сәндік элементтері сырланып, электр жабдықтары мен сорғылары, электр желілері, су құбыры және кәріз жүйесі тексерілді.