Алматыда студенттерге жатақханадан шығуға тыйым салынды

Алматыда студенттерге жатақханадан шығуға тыйым салынды, мобильді интернет өшіріліп, көшелер жабылды.

Алматыдағы Жаңа алаңның маңында мобильді интернет жоқ, деп хабарлайды Orda.kz тілшісі.

Дегенмен ұялы байланыс қолжетімді. Сондай-ақ, сол аумақтарда – Наурызбай батыр көшесінен Назарбаев даңғылына дейін және Тимирязев көшесінен Абай даңғылына дейінгі аралықта жеңіл көліктер қозғалысы шектелген.

Qumash Telegram арнасының хабарлауынша, ҚазБСҚА студенттері түрлі сылтаулармен екі күн – 16 және 17 желтоқсанда жатақханадан сыртқа шығарылмайды. Олардан өздеріне қажет азық-түлікті алдын ала қамту  немесе үйлеріне қайту сұралған.

Расталған дереккөздің айтуынша, ҚазҰПУ студенттері жатақханадан шығатын болса, алдын ала хабарлауы керек. Университет жатақханасындағылар  олардың қайда барып, қайда тұратындықтары жазылып жатқанын растады.

Бүгін, 16 желтоқсанда қазақстандықтар ел Тәуелсіздігінің 30 жылдығын мерекелеуде.