Алматыда Сovid-19-ға байланысты жедел желі іске қосылды

«Жедел желі» телефоны 1 наурыздан бастап жұмыс істейді, қоңырау шалу тегін. Медициналық қызметкерлер де сұрақ қойып немесе шағым жасай алады.

Алматыда Covid-19-ға байланысты мәселелер бойынша тұрғындар мен медицина қызметкерлерінің өтініштерін қабылдау үшін тәулік бойы тегін жедел желі ашылды. Бұл туралы «Аман-Саулық» қоғамдық қорының президенті Бақыт Түменова баспасөз мәслихатында мәлімдеді.

«Жедел желі» телефоны: +7 (727) 221 85 05

Жедел желі «Сорос-Қазақстан» қорының гранттық қолдауымен іске қосылды. Сервис тәулік бойы, аптасына жеті күн жұмыс істейді.

Коронавирустық мәселелерге байланысты сенім телефонын ашудағы басты себеп - пациенттердің құқықтарын бұзу жағдайлары жиілеп кетті.