Алматыда соғыс ардагерлеріне берілетін біржолғы төлем 5 млн болуы мүмкін

Алматыда ҰОС ардагерлері мен тыл еңбеккерлеріне Жеңістің 80 жылдығына орай біржолғы төлемдерді ұлғайту жоспарланып жатыр, деп хабарлайды Orda.kz.

 Бұл туралы Алматы әкімі Ерболат Досаев Ұлы Жеңістің 80 жылдығына дайындық мәселесі талқыланған қалалық Ардагерлер кеңесі өкілдерімен кездесу барысында мәлімдеді. 

Қала басшысы келесі жылы Ұлы Отан соғысындағы Жеңістің 80 жылдығына орай ҰОС ардагерлеріне біржолғы төлемдерді 2 млн теңгеден 5 млн теңгеге дейін, ал тыл еңбеккерлеріне 50 мың теңгеден 100 мың теңгеге дейін арттыру жоспарланып отырғанын хабарлады.

Ерболат Досаев биыл ҰОС ардагерлеріне берілген төлемдер 1 млн теңгеден 2 млн теңгеге дейін көбейгенін еске салды.