Алматыда шорт-тректен әлем кубогының кезеңі өтуде

Алматыда шорт-тректен әлем кубогының кезеңі өтуде – Қазақстан құрамасының алғашқы нәтижелері белгілі болды.

Бір күн бұрын Алматыдағы «Халық Арена» мұз айдынында барлық қашықтық бойынша іріктеу жарыстары өтті.

Бірінші күні біліктіліктен сәтті өткендер:

1500 метр, әйелдер – Ольга Тихонова, Алина Әжғалиева, Мәдина Жанбосынова (жартылай финал);

500 метр, әйелдер – Яна Хан (ширек финал);

1500 метр, ерлер - Денис Никиша, Әділ Ғалиахметов, Қажғали Нұртілек, Еркебұлан Шамуханов (жартылай финал);

1000 метр, ерлер – Еркебұлан Шамуханов (ширек финал);

500 метр, ерлер – Абзал Әжғалиев, Денис Никиша, Санжар Жәнісов (ширек финал).

Жарыстың жартылай финалына эстафеталық ерлер мен әйелдер командалары шықты.

Сондай-ақ, бүгін негізгі жарыстарға жолдама алмаған спортшылар ертеңгі қайталау жарысында тағы да мүмкіндік алады.

Алматыда 9-11 желтоқсанда шорт-тректен әлем чемпионатының кезеңі өтуде.