Алматыда шеру өтеді деген жерде алты адам ұсталды

Республика күні Алматыда алты адам ұсталды деген ақпарат бар. Олардың барлығы бейресми деректер бойынша митингілер жоспарланған Орталық мәдениет және демалыс саябағының маңында орналасқан, деп хабарлайды Orda.kz тілшісі.

Мереке күні Орталық мәдениет және демалыс саябағы аумағында демалушыларға, мерекеге  жиналғандардан гөрі  полиция қызметкерлері көп болды. Дегенмен, Қазақстан Республикасы Ішкі істер министрлігі көптеген салтанатты шараларға байланысты тәртіптік күшейтілген жұмыс режиміне көшетінін алдын ала ескерткен. Сондай-ақ, қалалардағы рұқсат етілмеген жиындардың барлығы қадағаланатыны хабарланды.

Тәртіп сақшылары саябаққа кіре беріс жолды ғана емес, айналаны да бақылап отырды: Гоголь көшесінің бойында әр блокта отрядтар мен автозактар тізіліп тұрды.

Алғашқы қамауға алу түскі сағат 12-лер шамасында болды. Алаңнан өтіп бара жатқан адамды автозакқа отырғызды, одан ол ешқайда шығарылмады. Оның ұсталуына байланысты журналистердің сұрағына тәртіп сақшылары ешқандай түсінік бермеді.

Жалпы, алдын ала мәлімет бойынша Орталық саябақ маңындағы алаңнан полиция учаскелеріне алты адам жөнелтілді. Полиция тек ер адамдарды алып кетті, олардың болжамды митингіге қатысуды жоспарлағаны немесе қатысқан-қатыспағаны белгісіз. Кей жерлерде бірнеше адамды бірден алып кетіп жатты.

Қазақстандықтардың бірі қамаудан басын арашалап үлгерді. Бірнеше полиция қызметкері қарт адамды автозакқа отырғызбақ болды. Олар мұны оның жеке басын анықтау үшін қажет деп түсіндірді. Алайда ол барудан үзілді-кесілді бас тартып, соңында тәртіп сақшылары оны жөніне қалдырды.

Қаланың басқа аудандарындағы мереке күні тыныш өтті. Алматы халықаралық әуежайында болған Orda.kz тілшісі әуе айлағының периметрі бойынша желілік полиция қызметкерлері кезекшілікте тұрғанын хабарлады.

Автокөліктер мен таксилер тұраққа кедергісіз кіргізілді, ешкімді тінту де, тексеру де жүргізілмеді. Патрульдік көліктер аумақты айналып өтіп, тәртіпті қадағалап жүрді.

Orda.kz қаланың мереке күні өмірін бақылауды жалғастыруда.