Алматыда шекара қызметінің подполковнигі педофил деген күдікке ілінді

Алматыда шекара бөлімшесінің подполковнигі педофилиямен айналысты  деген күдікке ілінді, деп хабарлайды Orda.kz.

Бұған дейін әлеуметтік желілерде ер адамның 14 жастағы жасөспіріммен кездескен кезде ұсталғаны туралы ақпарат пайда болған.

Egov.Press Telegram арнасы подполковниктің жасөспірімді интимдік қызметке тартқаны туралы хабарлады. Бірақ кейін ұсталған адам баламен моральдық әңгіме жүргізгісі келгенін айтты.

Ішкі істер министрлігі Orda.kz сайтына жағдайға қатысты түсініктеме берді.

«Бұл деректі ҚР ІІМ Оңтүстік өңірлік әскери тергеу басқармасы тексеріп жатыр. Нақты  мән-жайлар анықталуда»  деп түсіндірді департаменттегілер.