Алматыда санитарлық-эпидемиологиялық бақылау департаментінің басшысы ауысты

Алматы қалалық санитарлық-эпидемиологиялық бақылау департаментінің жаңа басшысы болып Қасымхан Алпысбайұлы тағайындалды.

Ол зейнеткерлікке шыққан Жандарбек Бекшиннің орнына келді.

Айта кетсек, бұған дейін СЭҚД басшысы қызметін атқарған Қарлығаш Әбдіжаббарова қазір Алматы қаласының бас мемлекеттік санитарлық дәрігері.

Қасымхан Алпысбайұлы 1977 жылы Оңтүстік Қазақстан облысында (қазіргі Түркістан облысы) дүниеге келген. 2000 жылы Қазақ мемлекеттік медицина университетін гигиена және эпидемиология мамандығы бойынша бітірген. 2006 жылы Орталық Азия университетін заңгер мамандығы бойынша бітірген. 2019 жылы әл-Фараби атындағы Қазақ ұлттық университетін басқару мамандығы бойынша тәмамдады.

Еңбек жолын 2000 жылы Бостандық ауданының санитарлық-эпидемиологиялық қызметінде бастады. Әр жылдары Алматы қаласы аудандарының санитарлық-эпидемиологиялық қызметінде санитарлық дәрігер болып жұмыс істеді.

2009 - 2014 жылдары Алматы қаласы Жетісу аудандық санитарлық-эпидемиологиялық қызмет басқармасының бастығы болып жұмыс істеді. 2014 жылдан бастап Алматы қаласы Медеу аудандық санитарлық-эпидемиологиялық қызмет басқармасының басшысы.

Қызметінде қол жеткізген табыстары үшін «Денсаулық сақтау ісінің үздігі», «Денсаулық сақтауды дамытуға қосқан үлесі үшін» ведомстволық наградаларымен, «Халық алғысы» медалімен және т.б.