Алматыда сайлауға қатысты баспасөз орталығы ашылды

2021 жылғы 10 қаңтарда Қазақстан Республикасы Парламенті Мәжілісі мен Алматы қаласы Мәслихатының сайлауы өтеді. Сайлаудың өту барысы туралы жедел ақпарат тарату мақсатында Алматыда жалпықалалық баспасөз орталығы ашылды, деп хабарлайды ORDA.

Баспасөз орталығы Алматыдағы сайлау барысы туралы қалың жұртшылықты бірінші кезекте хабардар етудегі объективтілік пен жеделдік және беделді сараптама жасайтын орталық болмақ.

Қалалық әкімдік бақылаушылар мен БАҚ өкілдерін ынтымақтастықта, бірлесе жұмыс істеуге шақырады. 

Барлық отандық және халықаралық бақылаушылар 1308, +7 707 934 3984 (WhatsApp) нөмірлері бойынша және info@rsk.almaty.kz электрондық мекен-жайы арқылы баспасөз конференцияларын өткізуге өтініш бере алады.

Баспасөз орталығында журналистердің жедел жұмыс жасауы үшін барлық жағдайлар жасадық деп отыр. Баспасөз орталығы заманауи техникамен және компьютерлермен, интернетпен және wi-fi-ға қосылу мүмкіндігі бар 40-қа жуық жұмыс орындарымен жабдықталған. Бейнеконференциялық байланыс режимінде және Zoom платформасында бейнетрансляция жүргізуге мүмкіндік де бар.

Жалпықалалық баспасөз орталығы «Қазақстан» қонақ-үйінің бірінші қабатындағы «Алтын Емел» залында орналасқан. Сұрақтар бойынша +7 747 615 6602 нөміріне хабарласуға болады.