Алматыда сағат 14:00-де сайлау учаскелерінің бірі жабылып қалды

Алматыдағы № 4 перзентханада дауыс беруге 116 жас ана қатысты, бұл учаскеде тәуелсіз бақылаушылар болған жоқ.

Алматыдағы Станкевич көшесі, 6-үйдегі № 4 перзентханада орналасқан 475-ші учаске 14:30-да жабылып қойған. Медициналық мекеме қызметкерлерінің айтуынша, мұндағы дауыс беру  бірнеше сағат бұрын аяқталған.

Комиссия төрағасы, перзентхананың бас дәрігері Зейда Донбаева Orda.kz журналисіне сайлаушылардың санын айтудан бас тартты.

— Бізде жабық сайлау учаскесі. Тек жүкті әйелдер ғана дауыс береді, олардың барлығы өз міндеттерін орындап қойған, - деді бас дәрігер.

Тілшінің қанша бюллетень бөлінгені туралы сұрағына Донбаева заңгермен сөйлесу керектігін айтып, жауап бере алмады.

Алайда, бас дәрігер кабинетіне кетер алдында қызметкерлерге учаскелік комиссияның хаттамасын тілшіге көрсетуді тапсырды. Сайлау учаскесіне 118 бюллетень бөлініп, 116 адам ғана дауыс бергені белгілі болды.

Айта кетерлігі, сайлау учаскесінде тәуелсіз бақылаушылар болған жоқ.