Алматы облысында ұры 26 үйді тонаған

Жедел-іздестіру іс-шаралары барысында Ескелді аудандық полиция бөлімінің қызметкерлері, полиция департаментінің Қылмыстық іс жүргізу бөлімінің қызметкерлерімен бірлесіп, бірқатар ұрлықтарға күдікті «Қарабұлақ» ауылының 36 жастағы тұрғынын ұстады. Бұл турал Polisia.kz хабарлады.

«Ұсталған адамды қылмыстық базаларда тексергеннен кейін, детективтер оның Алматы облысы аумағында 26 ұрлыққа қатысы бар екенін анықтады. Атап айтқанда Қарабұлақ, Шымыр, Бақтыбай, Балпық би, Талдықорған және т.б. елді мекендердегі ұрлықтарға қатысы болуы мүмкін. Ол ұрлықтардың көпшілігін күндіз жеке үйлерге бұралмалы бұрағыштың көмегімен пластикалық терезелерді ашу арқылы жасаған. Дәлелденген эпизодтармен келтірілген жалпы материалдық шығын 15 миллион теңгеден асады. Ұсталмаған басқа осыған ұқсас ашылмаған қылмыстар бойынша жұмыс жалғасуда», - деді Ескелді ауданы полиция бөлімінің бастығы Қайрат Баймұханов.

Ұрланған заттардың ішінде алтын заттары мен ұялы телефондар бар.

«Қылмыс орнынан заң бұзушының саусақ іздерін алып, күдіктіні уақытша ұстау изоляторына қамады», - деді Баймұханов.