Алматыда ұрланған қару сақталған қойма табылды

Алматы облысының 18 жастағы тұрғыны ұрланған қаруды карьер қоймасында сақтаған.

Оны Наурызбай ауданының полицейлері ұстады.

Жауап алу кезінде ер адам қару сататын дүкендерді тонауға қатысқанын мойындады. Күдіктінің бұрын бөтеннің мүлкін ұрлағаны үшін қылмыстық жауапкершілікке тартылғаны анықталды.

«Қазіргі уақытта оның қаладағы тәртіпсіздіктер кезінде басқа да қылмыстық көріністерге қатыстылығын анықтау, сондай-ақ заңсыз сақталған басқа да қару-жарақтарды тәркілеу бойынша жедел іс-шаралар кешені жүргізілуде» делінген Алматы қаласы комендатурасының ақпараттық орталығының хабарламасында.