Алматыда республика тарихында ең алғаш рет ірі кокаин есірткісі тәркіленді

Ұлттық қауіпсіздік комитеті есірткі контрабандасының халықаралық арнасын жойды, деп хабарлайды Orda.kz. 

Ведомствоның мәліметінше, Алматы қаласында республика тарихындағы ең ірі кокаин есірткісі тәркіленген. Қазақстан арқылы басқа елдерге жеткізілуі керек болған кокаин есірткісінің cалмағы 13 тонна 183 келі болды. 

Есірткі арнасын ұйымдастыруға қатысы бар деген күдікпен екі шетелдік азамат ұсталып, қамауға алынды.

Қылмыстық кодекстің 297-бабының 3-бөлігі бойынша сотқа дейінгі тергеп-тексеру жүргізіліп жатыр.

Айта кетейік, кеше, 4 қыркүйекте Қазақстандық Qarakesek атты рэпер есірткіге мас күйі ұсталды.