Алматыда Рамстор маңындағы жылу желісінде апат болды

Алматы қаласында Назарбаев даңғылында жылу желісі жарылды, деп хабарлайды Orda.kz.

«Алматы жылу желілері» АҚ төтенше жағдайлар қызметінің хабарлауынша, Бостандық ауданындағы Назарбаев даңғылы бойындағы жылу желісіндегі құбырға зақым келген. Салдарынан құбыр жарылып, қатты буланған.

Бұл жағдайға құбырдың тозуы себеп болған. Ол 1984 жылы қолданысқа еніп, бүгінге дейін қызмет еткен. Осыған байланысты Сәтбаев-Достық, Тайманов көшелері мен Самал-1, 2, 3 шағын аудандарындағы тұтынушыларға жылу келмейді.

«Жылуды қалпына келтіру 24 желтоқсан күні сағат 01:00-ге дейін орындалады»,  деп түсіндірді жауапты мекеме.