Алматыда құрал-жабдықтар қоймасы тоналды

Үш қылмыскер қоймаға  кіріп, күзетшіні ұрып-соғып, видеокарталарды алып кеткен.

Алматыда үш ұры  компьютерлік техника қоймасына қарақшылық шабуыл жасады. Олар таңертең ерте келіп, әлі ешкім болмаған кезде күзетшіні ұрып-соғып, компьютерлерге арналған видеокарталарды алып шыққан.

— Олар күзетшілерді ұрып-соқты. Қару-жарақ қоқан-лоққысымен олар компьютерлік техниканы, дәлірек айтсақ, үлкен сомаға  бейнекарталарды тартып алып, із-түзсіз жоғалып кеткен. Бұл қылмысты ашу мақсатында жедел-іздестіру тобы құрылып, оның құрамына аудандық деңгейден де, қаланың криминалдық полициясынан да жедел уәкілдер кірді. Күдіктілер Нұр-Сұлтанға теміржолмен кетпек болған жерінен  Шу қаласында ұсталды. Олжаның бір бөлігі олардың өздерімен болды, негізгі бөлігі жүк тасымалы арқылы астанаға жөнелтілген. Тауарлар тәркіленіп, қылмыстық іс материалдарына тіркелді. Процессуалдық әрекеттер жасалғаннан кейін видеокарталар иесіне қайтарылады, — деді Алматы қалалық полиция департаменті бастығының орынбасары Берік Әбілбеков.

Тоналған қойманың директоры полицияның таңғаларлық жылдам, үш күн ішінде қылмысты шешкенін мойындады. Бостандық аудандық ІІБ полиция бөлімінің мәліметінше, ұсталғандар Нұр-Сұлтан қаласының тұрғындары. Бұрын олардың бірі осы компанияның клиенті болған, ол  видеокарталардың құны мен рөлі туралы біледі. Күдіктілер уақытша ұстау изоляторына қамалды.