Алматыда әйелдер құқығына арналған марш өтуде

Алматы көшелерінде феминистік ұйымдар тобы ұйымдастырған әйелдер құқығына бағытталған  рұқсат етілген шеру өтіп жатыр, деп хабарлайды ORDA

Акция Ганди саябағындағы белсенділердің алғы сөзінен басталды. Одан кейін қатысушылар Шевченко көшесінің  бойымен шамамен 5 шақырымдай, яғни  кездесу өтетін Ғылым академиясына дейін жаяу жүріп өтуі тиіс.

Ұйымдастырушылар бұл әкімдік рұқсат берген алғашқы қазақстандық феминистік ресми шеру екенін атап өтті.

—  Біздің бүгінгі шеруіміз Алматы қаласының әкімдігімен келісілген және оның қолдауымен өтіп жатқандығын еске салғым келеді. Біз бұл жерге заңды түрде шықтық, деді белсенділердің бірі.

Қатысушылар өз мәселелері мен  әйелдер құқықтары үшін күресетіндерін жариялады. Акцияға қатысушылар «Ұрса — сотталсын», «Біз бәріміз әпкеміз», «Әрбір әйел маңызды!», «Мен ешкімге қарыздар емеспін», деп ұрандатты.

—  Тек қазақстандық аналар балалар  күтіміне толыққанды ақы алмайды, дейді белсенділер.

Мұнда «КазФем», «Фемсреда», SVET және  «ФемАгора» сияқты әйелдер қауымдастығы қатысып отыр.

Ганди саябағында қазақстандық сот экстремистік деп таныған ҚДТ қозғалысын қолдаушылардың шағын тобы да бар. Сондай-ақ олармен бірге алты айдан астам уақыт түрмеде отырған саясаткер Санавар Закирова мен құқық қорғаушы Бақытжан Төреғожина бар.

Әкімдік өкілі әйелдер шеруін ұйымдастырушылардан ҚДТ жақтастарының оған қатыспауын талап етті. Талап орындалмаса, шара қолдануға мәжбүр болатынын да ескертті.