Алматыда қайтыс болған марафоншы  «Самрук Энерго» директоры болып шықты

«Самұрық-Қазына» қоры бүгін марафонда қаза тапқан желаяқтың «Самрук Энерго» және «QazaqGaz» компанияларының  тәуелсіз директоры Рүстем Садықов екенін растады.

«Рүстем Ғалымұлы табысты мансап жолынан өтті, жоғары білімді тамаша маман болды, халықаралық компанияларда тәжірибесі бар. Ол әріптестерінің есінде сенімді басшы және өз ісіне адал қызметкер ретінде мәңгі сақталады. Ол кісінің орны біз үшін ерекше» делінген қор хабарламасында.

Садықов бүгіігі  Алматы марафонына қатысқан болатын. Ол 10 шақырымға жүгіріп, мәре сызығын бағындырғаннан кейін бірден жерге құлады. Дәрігерлер жарты сағат бойы марафоншының өмірі үшін  күресті. Алайда қолда келген дәрігерлік көмекке қарамастан марқұм бақилық болды  Садықов небәрі 47 жаста еді.