Алматыда православие шіркеуінен өрт шықты

Алматы қаласы, Алатау ауданында орналасқан шіркеуден өрт шықты.

Бұл туралы Orda.kz хабарлайды.

Алматы қаласы Төтенше жағдайлар департаментінің мәліметінше, өрт 5 қазанда күні 14:53 -те болған.

– Алғашқы өрт сөндіру бригадалары келгеннен кейін, 4 минуттан соң, жалпы алаңы 90 м2 құрайтын жанып тұрған ағаш күмбез мен тіректің ағаш арқалықтары табылды. Қалпына келтіру жұмыстарына байланысты шіркеу ішіндегі көп заттар басқа орынға ауыстырылды, - деп хабарлады ТЖМ.

Күмбездегі өртті сөндіру үшін биіктігі 32 метр болатын өрт баспалдағы пайдаланылған.

– Қабылданған шаралар бойынша өрт сөндірушілер келген сәттен бастап 28 минут ішінде жалын ауыздықталды. 15:40 толықтай тоқтады. 18 бірлік техника мен 55 қызметкер жұмылдырылды, - деп атап өтті төтенше жағдайлар департаментінде.

Айта кетейік, зардап шеккендер жоқ.