Алматыда полицейлер сұхбат беруге келген әйелдерді алып кетті

Бүгін 2 желтоқсан Шыңжаңдағы туыстарын іздеген 4-5 әйел Республика сарайының алдына жиналған.  

Жиналғандардың айтуынша, олар мұнда сұхбат беруге келген. Алайда Медеу ауданы полиция департаменті 11:40-та оларды ұстап әкеткен. Ұсталғандардың ішінде 70 жастағы Ақытхан Қалида әжей де болған.

Медеу ауданы полиция басқармасы басшысы подполковник Өтебаев азаматтардың ұсталу себебін «ҚР Әкімшілік кодексінің митинг туралы 488-бабымен» түсіндірді. Алайда, әйелдер митинг өткізу үшін емес, сұхбат беруге келгенін естіген басшы бірден «сұхбатты мұнда бермесін» деп, оларды босатудан үзілді-кесілді бас тартты.

Айта кетсек, бұған дейін Шыңжаң түрмесінде жатқан туыстарын шығаруды талап еткен жұртшылық жүйелі түрде Қытай консулдығының алдында наразылық науқанын өткізетін.