Алматыда полицей нөмірсіз көлікпен жол ережесін бұзды

Бірнеше рет жол ережесін өрескел бұзған Патрульдік полиция полкінің қызметкері ұсталды.

Алматы полиция департаменті бұл факті бойынша қызметтік тексеріс жүргізіліп жатқанын хабарлады. Ұсталған азаматтың әрекеті тәртіптік комиссияда қаралып, соған қарай шара қолданылады.

«Мұндай фактілерге жол берілмейтінін ескеріңіз. Ішкі істер министрлігі мен ҚДП басшылығы полиция қызметкерлерінің заңсыз әрекеттеріне қатысты әрқашан принципті ұстанымды ұстанады» деді Алматы қаласы Полиция департаментінің баспасөз қызметі.