Алматыда пойыздың төбесіне шыққан жасөспірімді ток соғып, күйік шалды

Алматы-2 станциясында жасөспірім вагонның төбесіне шығып кетіп, тоқ соғып жарақат алды, деп хабарлайды «Қазақстан темір жолы» ұлттық компаниясының баспасөз қызметіне сілтеп Orda.kz.        

«2025 жылғы 19 шілде күні сағат 18:55-те Алматы-2 станциясында кезекші қызметкер осындай оқиғаны тіркеді. Кәмелетке толмаған бала (15 жастағы ұл) өз бетінше вагонның төбесіне шыққан. Нәтижесінде оны ток соғып, денесі күйіп қалды» деп жазылған хабарламада. 

Оқиға орнына жедел жәрдем бригадасы жетіп, жасөспірімге медициналық көмек көрсетілді. Ол тірі қалды.

Қазір қызметтік тергеу жүргізілуде.