Алматыда өздеріне қол жұмсаған оқушы қыздардың телефоны тексерілді

Алматыда өздеріне қол жұмсаған оқушы қыздардың телефондарын ІІМ тексерді, деп хабарлайды Orda.kz.

Ішкі істер министрлігінде Алматыда суицид жасаған қыздардың телефондарына тексеру жүргізілгені хабарлады. Тергеу нәтижесінде олар суицидтік ойынға қатыспағаны анықталды.

«Телефон тексерілді, суицидтік ойынға қатысу фактісі анықталмады. Қазіргі уақытта жойылған хат алмасулар мен қосымшаларды қалпына келтіру үшін телефонға қосымша зерттеу жүргізілуде. Жалпы, әрбір осындай факті бойынша олардың себептерін анықтау үшін қажетті тексерулер жүргізіледі»,  делінген ведомство хабарламасында.

Ішкі істер министрлігі  мазмұндары кері әсер ететін барлық қосымшаларды анықтап, оған төтеп беру үшін үнемі мониторинг жүргізілетінін айтты. Биылғы жылдың басынан бері шетелдік 22 мың интернет-ресурс анықталып, олардың қолжетімділігін шектеу үшін уәкілетті органдарға жіберілді.

Айта кетейік, 16 қыркүйекте Алматының Алмалы ауданында 2 мектеп оқушысы көпқабатты үйдің терезесінен секіріп кеткен болатын.  Полиция бұл оқиғаны суицид деп санайды. Трагедиядан кейін әлеуметтік желілер мен мессенджерлерде балаларға қауіпті сандық ойын туралы хабар тарады. Хабарламада балаларды үйден қашып кетуге және ата-аналарына бағынбауға үйрететіні айтылады.