Алматыда Ораза айында қандай іс-шаралар ұйымдастырылмақ?

Бұл туралы Алматы қаласының бас имамы Төлеби Оспан мәлімдеді, деп хабарлайды Orda.kz порталы.

Биыл қаладағы 54 мешіттің 50-де тарауих намазы оқылып, Алматы орталық мешітінде күн сайын 500 адамға арналған үлкен ауызашар ұйымдастырылатын «Рамазан шатыры» орнатылмақ. ҚМДБ ресми түрде биылғы жылды «Ислам және салт-дәстүр құндылығы» жылы деп жариялағандықтан, қасиетті айда қазақы салт-дәстүрге сай іс-шаралар өткізілмек.

«Ораза айы Наурыз мейрамымен тұспа-тұс келгендіктен, кешкі ас кезінде мешіт қонақтарына наурыз көже мен бауырсақ тағамдары ұсынылады. Ауызашар өтетін орындар қазақтың ою-өрнектерімен безендіріліп, «Жарапазан» айтылады», - деді Төлеби Оспан.

.