Алматыда оқушы қыз үйдің ауласында өзіне қол салды

4 мамырға қараған түні Медеу ауданындағы үйлердің бірінің ауласында 2006 жылы туған қыз өз-өзіне қол жұмсады.

Ақпаратты Алматы полиция департаментінің баспасөз қызметі растады.

«Үйдің ауласында, 2006 жылы туған А. өзіне қол жұмсады» делінген хабарламада.

Тәртіп сақшылары сот-медициналық сараптама тағайындады.

Аталған факті бойынша ҚР Қылмыстық кодексінің «Өзін-өзі өлтіруге итермелеу» бабы бойынша тергеу амалдары жүргізілуде.

Orda.kz марқұм республикалық физика-математика мектебінің оқушысы болғанын анықтады. Қыз сегізінші сыныпта оқитын.