Алматыда нөсер жауын салдарынан сегіз ағаш құлады

Алматыда толассыз жауын салдарынан сегіз ағаш құлады, деп хабарлады әкімдіктің баспасөз қызметі.

«Жаңбыр кезінде сегіз ағаш құлады, аумақтарды тазарту жұмыстары жүргізілді, зардап шеккендер жоқ» делінген хабарламада.

13 тамызда Алматыда айлық жауын-шашын көлемінің 80 пайызы жауды. Алматының таулы және тау бөктеріндегі аймақтарында 34 мм жауын-шашын түсті, тамызда орташа жылдық жауын-шашын көлемі 34 мм болды.

Жаңбыр салдарын жоюға 1008 жол жұмысшысы мен 640 бірлік техника қатыстырылды.

Әкімдіктің хабарлауынша, мердігер ұйымдар мен ведомстволық бағынысты ұйымдардың 52 бригадасы нөсерден болған лай мен  қоқыстан тазартты.

«Қазіргі уақытта негізгі су басқан учаскелер тазартылды, канал жүйелеріндегі қоқыстарды шығару жұмыстары жүргізілуде, түнгі ауысым ұйымдастырылды», - деп сендірді қала әкімдігі.

«Қазгидромет» РМК болжамына сәйкес, алдағы үш күнде  жауын-шашын мол болады.