Алматыда науқастың диагнозын жария еткен дәрігер жұмыстан кетті

Әлеуметтік желілерде науқастың диагнозын жариялаған дәрігер қызметінен босатылғаны туралы ақпарат тарады.

Алматы қалалық соты дәрігердің сіңірген еңбегі мен кәсіби қасиеттеріне күмән жоқ, «бірақ заң бәріне бірдей» және оны бұзуға болмайтынын айтты.

Сот өткен жылдың 25 мамырынан 26 маусымына дейін сүйек-іріңді хирургия бөлімінде емделіп жатқан адамнан коронавирустың оң нәтижесі анықталды. Сынақ нәтижесі шыққаннан кейін, науқас жеке палатаға орналастырылып, оқшауланған.  

Бірақ науқастың деректері емдеуші дәрігеріне емес, басқа маманның қолына түскен. Сонымен қатар, демалыста медициналық қызметкер емдеу туралы ақпаратты және оның ауруханада жатқанын суретке түсірген. Кейін қолындағы деректі блогерге табыстаған, ол өз кезегінде ақпаратты интернетте жариялаған.

Сот медициналық қызметкердің дәрігерлік құпияны бұзғанын растады.

- Медициналық құпияны науқас емделіп шыққаннан кейін 2020 жылдың 26 ​​маусымында жариялады, деп түсіндірді қалалық сот.

Ал дәрігер өз кезегінде, коронавируспен ауырған адам басқаларға қауіп төндіргенін алға тартты.

Жеке медициналық деректер, медициналық көмекке жүгіну фактісі, науқастың денсаулығы, оның диагнозы туралы мәліметтер  және оны емдеу кезінде алынған басқа ақпарат медицина қызметкерінің құпиясы болуы шарт.

- Сот алқасының шешімімен бірінші сатыдағы сот үкімі өзгеріссіз қалдырылды, айыпталушының апелляциялық шағымы қанағаттандырылған жоқ. Сот бұл дәрігердің кәсібилігіне ешқандай күмән келтірмейді, бірақ медициналық құпияны бұзуға жол берілмейді, делінген хабарламада.