Алматыда наразылық білдірушілер зейнетақы шегін 58 жасқа дейін төмендетуді талап етті

Алматы қаласындағы Махатма Ганди саябағында рұқсат етілген митингіге оннан астам әйел жиналды.

Рұқсат етілген митинг Махатма Ганди саябағында  өтуде.  Онда әйелдер жиналып, зейнетақының белгіленген 63 жас шегін қайта қарап, 58 жасқа  дейін төмендетуді талап етті.

Әйелдер бұл жерге «Бұрынғы зейнет жасын қайтаруды талап етеміз!» деген плакаттармен келді.

Олар саябақта  өздерінің 58 жасында зейнетке шыққысы келетінін бейнелейтін  композициялық қозғалыстағы  әнұранын шырқады.

Митингке кемінде 50 адам қатысады деп күтілуде.

Үкімет рұқсат еткен митингі өтетін жерден алыс емес жерде төрт полиция қызметкері процесті бақылап тұрды.

Осы уақыт аралығында  әйелдер микрофон алдында зейнеткерлік жасына жеткенге дейінгі қиын өмірлері туралы баяндап берді.

— Ауруханаға баруға, ота жасауға уақытым жоқ. Өйткені жұмыс істеуім  керек. Егер сіз еңбек демалысын алсаңыз, қарт әрі  науқас адам ешқайда қажет емес.  Одан гөрі дені сау жас маманды қабылдаған дұрыс. Ал біз не істеуіміз керек? Үкіметтен зейнет жасын 58-ге дейін төмендетуді сұраймын. Немерелеріммен уақыт өткізіп, денсаулығымды күткім келеді, – деп шағымданады 55 жастағы Ирина Тілекенова.

Айта кетейік, зейнетақының шекті мәнін қайта қарауды осыдан екі күн бұрын Премьер-Министрдің орынбасары Ералы Тоғжанов та  мәлімдеген болатын. Ол өз сөзінде осы мәселенің  күн тәртібінде тұрғанын түсіндірді.