Алматыда намаз оқу үшін көшені жапқан 30 адам жауапкершілікке тартылды

Алматыда намаз оқу үшін көшені жауып тастаған 30 адам әкімшілік жауапкершілікке тартылды, деп хабарлайды Orda.kz. 

«Құқық бұзушыларға ҚР ӘҚБтК-нің 614-бабының (көлік құралдарын қозғалысына кедергі жасау) талабын бұзған 30-дан астам адам әкімшілік жауапкершілікке тартылды»,  деп хабарлайды Алматы полиция департаментінің баспасөз қызметі.

Естеріңізге сала кетейік, 7 желтоқсанда Orda.kz  Алматыда бір топ адам намаз оқу үшін жолды жауып тастағанын хабарлаған болатын. Көше жабылғаннан кейін полиция тергеу жұмыстарын бастады. Одан кейін Қазақстан мүфтияты жолда намаз оқу әдебі туралы пікір білдірді.

Қазақстан мұсылмандары діни басқармасы Мұхаммед пайғамбардың өзі жолда намаз оқуға тыйым салғанын атап өтті. Желтоқсанның 13-і күні Алматы полициясы көшені намаз оқу үшін жапқандар мен Алматы полициясының әрекетіне Ішкі істер министрлігі деңгейінде жауап берді.