Алматыда мыңнан астам полиция қызметкерлері екпе алды

Бұл туралы Алматы қаласы Қоғамдық денсаулық сақтау департаменті директорының орынбасары Эльвира Ибрагимова брифингте айтты, деп хабарлады ORDA.

— Біз 1 ақпанда басталған вакциналаудың бірінші кезеңін аяқтадық. 1624 медицина қызметкері Sputnik-V препаратының екі компонентін алды. Екінші кезең 1 наурызда басталды, тағы 10 800 доза Алматыға жеткізілді. Вакциналаумен 39 қалалық емхана айналысады. Бірінші аптада «тәуекел аймағындағы» медицина қызметкерлері вакцинациядан өтті. 10 ақпанда біз мұғалімдер мен құқық қорғау органдарының қызметкерлеріне вакцина жасай бастадық. Қазіргі уақытта 338 алғашқы медициналық-санитарлық көмек ұйымдарында 658 полиция мен білім беру қызметкерлері екпе алды, деді ол.

Ибрагимованың айтуынша, Наурыз мерекесінен кейін 16 мыңнан астам доза вакцина келеді. Жақын арада студенттерді вакциналау басталады.

Спикер антиденелер туралы сұраққа да жауап берді.

— Антиденелер 42-ші күні түзіледі. Клиникалық зерттеулер жүргізілуде. Өндірушінің ақпараты бойынша иммунитет бір жылдан екі жылға дейін сақталады. Егер адам ауырып жатса, оған сауыққаннан алты ай өткенен кейін екпе салуға болады, деді ол.

Ибрагимова вакцинаның қорғанысы жоғары екенін, тіпті инфекция болған жағдайда да, вакциналанбаған адамдарға қарағанда ауру жеңіл түрде жүретінін баса айтты.