Алматыда мопед жүргізушісі екі әйелді қағып кетті

Алматыда мопед жүргізушісі екі әйел адамды қағып кетті, деп хабарлайды Orda.kz порталы.

Оқиға 17 сәуір күні Алмалы ауданында сағат 11:50-де болған.

«2002 жылы туған мопед жүргізушісі Райымбек даңғылының бойымен шығыс бағытта келе жатып, алдын ала белгіленбеген жерде жолды кесіп өтіп бара жатқан 52 және 57 жастағы екі әйелді қағып кеткен. Жол-көлік оқиғасын Алмалы аудандық полиция бөлімінің қызметкерлері анықтап жатыр» деді полиция. 

Айта кетейік, парламент мопедтерді тіркеу туралы жаңа заң жобасын қарастырып жатыр.