Алматыда мопед ұрлаған ер адам полицейді сүйретіп әкетті

Алматыда мопед ұрлаған адам қашып бара жатып, өзін ұстап үлгерген полицейді жол бойымен сүйреткен күйі жүріп кетті, деп хабарлайды Orda.kz.

Оқиға Төле би көшесінде болды. Екі ер адам тұрғын үй ауласында тұрған мопедті айдап кеткен. Ұрлық туралы хабар түскен соң, оқиға орнына жедел-тергеу тобы шығып, сол маңды тексере бастайды. Күдіктілердің бірін байқаған полицей соңынан қуған. Ал екіншісі мопедті айдап қашпақ болғанда полицей оны ұстап үлгереді. Алайда, күдікті тоқтамай, полицейді бірнеше метрге дейін жол бойымен сүйреп әкеткен.

Қазір күдікті қамауда отыр. Сотқа дейінгі тергеу амалдары жүріп жатыр.