Алматыда мопед мінген курьер полицейді қағып, қашып кетпек болды

Тәртіп сақшылары Медеу ауданында шлемсіз жүргізушіні байқаған. Ол тоқтату талабына бағынбай, қашып кетпекші болды, деп хабарлайды POLISIA.KZ.

Құқық бұзушы жоғары жылдамдықпен жеке сектор арқылы қашып кетпек болған. Мопедшінің әрекеті полицейлердің күдігін тудырып, олар курьердің соңынан ерген.

«Тұйық көшеде мен  мопедшінің соңынан жаяу жүре бастадым. Екі доңғалақты көліктің жүргізушісі артқа бұрылып, әдейі маған қарай жүрді. Соқтығысты болдырмау мүмкін емес еді. Мен құлап қалдым. Ал мопедші болса, басқаруды жоғалтып, кедергімен соқтығысуға жол берді. Содан кейін ұсталды», - деді Алматы қаласы ӨМПП патрульдік полиция полкінің инспекторы, полиция аға лейтенанты Жәнібек Оразбаев.

Құқық бұзушы жеткізуші компаниялардың бірінің 23 жастағы курьері болып шықты. Полицей ауруханаға жеткізілді.