Алматыда мешітте ұрлық жасаған ер адам ұсталды

Алматыда мешітте намаз кезінде ер адам ұрлық жасады.

Полицейлер тұрақты тұрғылықты жері жоқ 42 жастағы жұмыссыз азаматты ұстады. Ол ұрлық жасаған кезде бейнебақылау камераларына түсіп қалған.

Жәбірленуші қаладағы мешіттердің біріндегі намаз кезінде ұялы телефонын еденге, аяғының астына қойғанын айтты. Намаздан кейін жоғалған телефон сөндірулі болған. Күдікті сол күні ұсталды. Қолды болған гаджет ұрының өзінде болған. Ұсталған азамат өз кінәсін мойындап, істеген ісіне өкінетінін айтып отыр.

«Ұрлық» бабы бойынша сотқа дейінгі тергеу басталды.