Алматыда мерекелік шаралар өткізетін коттедждер тексерілмек

Алматыда жаппай іс-шаралар мен тойларды өткізуге арналған коттедждерді тексеру жоспарлануда, деп хабарлайды ORDA.kz.

Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов жалға алынған коттедж түріндегі үйлердегі жаппай іс-шаралардың жолын кесу мәселесі тек Алматы үшін ғана емес, еліміздің басқа өңірлері үшін де өзекті екенін атап өтті.

— Қазіргі таңда бұл мәселені пысықтап жатырмыз, онда заңнамалық тұрғыдан анықталған мәселелер бар. Себебі бұл тұрғындар аумағы. Біз қолданыстағы заңнаманы ескере отырып, ұйымдастырушыларды да, қатысушыларды да жауапкершілікке тарту үшін отбасылық «мекемелердің» деректерін тексеруді ұйымдастыруды пысықтап жатырмыз, – деді Сәдуақас Байғабылов.

Оның айтуынша, салтанатты жиындар өтетін коттедждер көбінесе коронавирустық инфекцияның таралу орнына айналады.