Алматы полициясы вайнер Әзімжан Саидбаевқа іздеу жариялады, деп хабарлады қалалық полиция департаментінің орынбасары Рустам Әбдірахманов.
«ҚР Қылмыстық кодексінің 217-бабы 3-бөлігінің 2-тармағында (қаржылық пирамидалық құрылым жасау және басқару) көзделген қылмысты жасады деген күдікпен Қырғызстан Республикасының тумасы Саидбаев Әзімжан Алымжанович, 30.09.1986 ж.т. іздестірілуде. Ол қамауға алынуы тиіс. Іздеудегі адам туралы мәлімет білетіндер +7 701 758 67 60, +7 708 683 94 33 және 8 (727) 254 43 51 телефондарына хабарласуларын сұрайды» деп жазды Әбдірахманов.
Еске салсақ, 10 ақпанда белгілі вайнерлер Мейіржан Төребаев, Мейірхан Шерниязов және Әзімжан Саидбаев қаржы пирамидасына қатысты іс бойынша айыпталушы ретінде танылғаны белгілі болды. Төребаев пен Шерниязов кепілмен босатылды. Тергеушілердің айтуынша, вайнерлер Mudarabah Capital қаржылық пирамидасын жарнамалап қана қоймай, оның ортақ иелері ретінде табыс тауып отырған.
