Алматыда марқұмның туыстары қылмыстың артын жаппақшы болды

Алматы облысындағы отбасы адам өлтіру фактісін өзін-өзі өлтіру ретінде көрсетіп, оны жасыруға тырысты.

Бұл туралы Orda.kz Polisia.kz-ке сілтеме жасап хабарлады.

29 тамызда Талғар аудандық полиция бөлімінің кезекші бөліміне Бесағаш ауылының 19 жастағы тұрғынының өлімі туралы хабарлама келіп түсті. Мойнындағы пышақ жарақатынан жігіт ауруханаға бара жатқан жолда қайтыс болды.

Марқұмның туыстары оқиға орнына келген жедел қызметкерлерге оның өзіне қол жұмсағанын айтты. Алайда, жедел-іздестіру шаралары кезінде ауыл тұрғынының 21 жастағы ағасы әшкереленді, ол кісі өлтіргенін мойындады. Күдіктінің айтуынша, ол анасымен жанжалдасып, оны қорғаған інісінің мойынына пышақ салған. Жас жігіт туыстарын мұны суицид деп сендіруге көндірген.

– ҚР Қылмыстық кодексінің 128-бабы бойынша күдікті уақытша ұстау изоляторына қамалды. Сотқа дейінгі тергеу амалдары жүргізіліп жатыр, - деді Талғар РПП бастығы Жанболат Зиадин.