Алматыда мәйіттерді зорлаған ер адам сот шешімімен босатылды

Алматы қаласында мәйіттерді зорлады деген мәйітхана күзетшісіне сот ақыл-есі дұрыс емес  деген шешім шығарып, мәжбүрлі түрде психикалық ауруханаға емделуге жіберді, деп хабарлайды Orda.kz.

Өткен жылдың мамыр айында Әділет министрлігі бұл адам уақытша ұстау изоляторына қамалғанын және оған қатысты Әуезов ауданы полиция басқармасы "Мәйіттер мен зираттарға қорлs0 жасау" бабы бойынша тергеу бастағанын мәлімдеген болатын.  

Еске сала кетейік, ер адам бұл әрекетін 2023 жылдың сәуірінен қазанына дейін жасағандығы мәлім болды. Сонымен қатар, істеген істерін телефонға түсіріп алған. Артынша, ұялы телефонды ломбардқа өткізгенде сондағы қызметкерлер анықтап, полицияға хабар берген болатын.

«Сараптама қорытындылары негізінде сот ер адамның әрекеттерінде, яғни бұл істі жасаған кезде ақыл-есі дұрыс болмағанын, өз әрекеттерінің мәні мен қоғамдық қауіптілігін түсіне алмағанын, сондай-ақ оларды басқаруға қабілетсіз болған деген тұжырымға келді. Бұған созылмалы психикалық ауруы себеп болған», деп жазылған хабарламада.  

Ер адамды психиатриялық стационарға мәжбүрлі емдеуге жіберді.