Алматыда мәйітхана күзетшісі некрофилияға күдікті

Алматы полициясы мәйітханалардың бірінде некрофилия дерегі бойынша тергеу жүргізіп жатыр.

Бұл туралы КТК телеарнасы хабарлады.

Жантүршігерлік қылмыс мәйітхана күзетшісі телефонын кепілге қою үшін ломбардқа барғанда белгілі болды. Гаджетті тексерген кезде қызметкер  ер адамға қатысты әдепсіз бейнені тапқан.

«Марқұмдардың денесін қорлау» бабы бойынша сотқа дейінгі тергеу басталды.

«Күдікті ұсталып, уақытша ұстау изоляторына қамалды. Тергеу жалғасуда»,- деді Алматы полиция департаментінің ресми өкілі Салтанат Әзірбек.

Егер ұсталған азаматтың кінәсі дәлелденсе, ол үш жылға дейін бас бостандығынан айырылуы мүмкін.