Алматыда әлеуметтік желілерді бұғаттау туралы заңға қарсы митинг өтті

Қала әкімдігімен келісілген митинг Махатма Ганди атындағы саябақта басталды. Онда 100-ге жуық адам жиналды, негізінен жастар.

Митингті Махатма Ганди атындағы саябақта өткізуге қала әкімдігі рұқсат берген. Ұйымдастырушылардың айтуынша, шенеуніктер бұл жерді аз адам жинауға оңтайлы деп есептеген. Алғашында ұйымдастырушылар Ғылым академиясының алдындағы алаңға халықты жинауды жоспарлаған.

— Біз цензураға қарсымыз, әлеуметтік желілердегі мақсатты басылымдарды екі есе көбейтуге бағытталған түзетулерге қарсымыз, - деді митинг ұйымдастырушысы, журналист Шыңғыс Уәлихан.

Бүгін олардың алдында  журналистер, заңгерлер, құқық қорғаушылар сөз сөйледі. Солардың бірі, құқық қорғаушы Татьяна Чернобыль заңгерлерден құралған сараптамалық топ атынан балаларды кибербуллингтен қорғау – интернеттегі ақпаратты бақылау үшін сылтау ғана екенін айтты.