Алматыда қызды аңдып, оның денесіне қол жүгірткен адам 14 жастағы жасөспірім болып шықты

Алматыда көшедегі бір қызды аңдып, оның денесін ұстаған әдепсіз адамның кім екені анықталды. Түрксіб аудандық полиция басқармасының қызметкерлері 14 жастағы жергілікті тұрғынды ұстады, деп хабарлайды Orda.kz. 

Жасөспірімнің ата-анасы баланы тәрбиелеудегі міндеттерін орындамағаны үшін әкімшілік жауапкершілікке тартылды. Кәмелетке толмаған баланың өзі мектепішілік есепке алынды. 

Бұдан басқа, осы факт бойынша материалдар Түрксіб ауданы әкімдігі жанындағы кәмелетке толмағандар жөніндегі ведомствоаралық комиссияның отырысында қаралады.

Айта кетейік, 7 қыркүйек күні Астанадағы «Amazon» түнгі клубында келушілер арасында жанжал шығып, соңы пышақтасуға ұласты. Жанжалдан 19 жастағы жігіт  қайтыс болды.