Алматыда курьерлер тағы да ереуілге шықты. LIVE
Алматыда Wolt компаниясының 50 курьері жалақыларының 30% төмендеуіне байланысты қайтадан ереуілге шықты.
Бұл туралы Orda.kz хабарлады.
Курьерлер үш талап қойып отыр:
- Ескі төлем жүйесін қайтару
- Бір шақырым тегін жүруді алып тастау
- Бағдарламадағы 40 курьерді қайта жұмысқа алу
Кеше Wolt жүйесінде өткен аптаның ортасында ереуілге шыққан 40-қа жуық курьер бұғатталды. Компания бұл шешімді курьерлердің басқа қызметкерлердің өміріне қауіп төндіретіндігімен түсіндірді. Кейбір курьерлерге қолма-қол төлеу арқылы тапсырыстарды қабылдаудан бас тартуына байланысты платформаға кіруге тыйым салынды.
Наразылық білдірушілердің айтуынша, басшылық мұны реттеп беруге уәде берген, бірақ ештеңе өзгермеген. Сондықтан олар өздерінің талаптарын білдіру үшін компания кеңсесіне жиналды.
Компанияның өкілі ереуіл басталғанына 20 минут өткеннен кейін наразылық білдірушілердің алдына шығып, ешқандай түсініктеме бере алмайтынын айтып, есікті жауып алды.
Компания менеджері белсенділер мен журналистердің сұрақтарына жауап беруден бас тартты.
Wolt басшылығы есікке келіп тұрған белсенділер мен бірнеше журналисті елейтін емес.
Orda.kz журналисі басшылықты барлығының көзінше шақыруды өтінді, бірақ компания менеджері бас тартты.
Бір апта бұрын 100 курьер Финляндиядағы бас кеңсеге шағым жіберді, бірақ жауап әлі келмеген.
Барлық курьерлер қайтадан кеңсеге барды.
Қоғамдық даму бөлімінің өкілі Бекжан Сәрсенбаев наразылық білдірушілерге қазір Wolt басшылығы шығып, Финляндиямен келіссөздердің нәтижелерін жариялайды деп уәде берді.
Барлық наразылық білдірушілер іскерлік орталық ғимаратына кіруге тырысты, бірақ күзетшілер оларды кіргізбеді.
Оқиға орнында Orda.kz тілшілері бар. Бұл материал тікелей эфирде толықтырылып отырады.
Еске салсақ, 12 мамырда лматыда Wolt курьерлерінің ереуілі өтті. Олар жалақының төмендеуіне наразылық білдіріп, бұрынғы жалақы жүйесін қайтаруды талап етті. Orda.kz еңбек заңгерінен мән-жайға түсініктеме беруін сұрады.
М. С Нәрікбаев атындағы Университеті Еңбек және әлеуметтік құқық орталығының жетекшісі, адвокат Мүслім Хасенов бұл жаһандық проблема деп санайды. Бұлтты немесе платформа қызметкерлері, яғни курьерлер, такси жүргізушілері еңбек келісімінсіз жұмыс істейді. Яғни, олардың құқығы мүлдем қорғалмаған. Заңды түрде олардың наразылығы ереуіл емес, заңсыз бейбіт жиын.
Авторы: Асем Гумарова, Карина Закарина
Аударған: Айнура Дарибаева
Жаңалықтар
- Грузия 1 маусымнан бастап туристер үшін кіру шарттарын өзгертеді
- Шымкент әкімі Ұлы Отан соғысы ардагерлеріне пәтер сыйлады
- Армения ҰҚШҰ-ның мүшесі болып қала береді – БАҚ
- Сирия Қорғаныс министрлігі Израильдің Дамаскке соққы бергенін хабарлады
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады